Newyddion - Sioe Frenhinol Cymru

4 Gorffennaf 2013
Myfyriwr yn ennill gwobr £3000 Sioe Frenhinol Cymru

Mae ysgoloriaeth o £3000 gan Gymdeithas Amaethyddol Frenhinol Cymru i annog myfyrwyr i ddatblygu eu potensial trwy gyrhaeddiad academaidd fel eu bod yn gallu gwneud cyfraniad mwy effeithiol at y diwydiant amaethyddol wedi’i chyflwyno i William Henry Sawday o Hill Farm, Llanigon, Y Gelli Gandryll.

Mae cronfa’r ysgoloriaeth yn cael ei noddi’n flynyddol gan Waitrose a’i bwriad yw helpu myfyrwyr o Gymru sydd wedi cymhwyso trwy Ddiploma Cenedlaethol Uwch neu Radd Sylfaen i symud ymlaen i gwrs gradd yn astudiaethau’r tir mewn unrhyw goleg prifysgol yng Nghymru, Lloegr neu’r Alban.  I fod yn gymwys rhaid i deulu’r ymgeisydd fod wedi bod yn byw yng Nghymru am o leiaf bum mlynedd.

Darllenwch fwy
4 Gorffennaf 2013
Medalau Hir-Wasanaeth CAFC i weithwyr fferm

Bydd gweithiwr fferm 66 mlwydd oed o Geredigion sydd wedi bod yn gweithio ar y tir am 54 mlynedd yn derbyn Medal Hir-Wasanaeth Cymdeithas Amaethyddol Frenhinol Cymru yn nodi ei gamp yn Sioe Frenhinol Cymru eleni.

Mae Emyr Lloyd Jones, o Bow Street, Ceredigion, sydd wedi treulio ei oes weithio gyfan ar ddwy fferm gyfagos - 31 mlynedd gyda JH, RH & SP Morgan yn Llandre, Bow Street, a 23 mlynedd gyda Mr & Mrs W. Jones, Tŷ Hen, Llanrhystud - yn un o naw o weithwyr fferm a ffermydd stad a fydd yn derbyn y medalau i gydnabod hyd eu gwasanaeth i ffermio.  Rhyngddynt maent wedi treulio dros 370 o flynyddoedd yn gweithio yn y diwydiant.

Darllenwch fwy
4 Gorffennaf 2013
Myfyriwr o Sir Gaerfyrddin yn ennill gwobr CAFC

Myfyriwr o Sir Gaerfyrddin yw enillydd Gwobr Myfyriwr Cymdeithas Amaethyddol Frenhinol Cymru - Harper Cymry eleni.  Cyflwynwyd y wobr yn 1999 i annog myfyrwyr o Gymru ym Mhrifysgol Harper Adams i gyfrannu’n llawn at ddatblygu eu potensial academaidd â’u potensial personol.

Darllenwch fwy
4 Gorffennaf 2013
Enillwyr cystadlaethau silwair Cymru Gyfan CAFC

Er gwaethaf un o’r tymhorau gwaethaf a gofnodwyd llwyddodd rhai o’r tyfwyr silwair glaswellt gorau yng Nghymru i sicrhau canlyniadau o’r safon uchaf yng nghystadlaethau Silwair Cladd a Byrnau Mawr Cymru Gyfan, sy’n cael eu rhedeg gan CAFC a Ffederasiwn Cymdeithasau Tir Glas Cymru.

Mae silwair yn allweddol i gynhyrchu cig a llaeth ar lawer o ffermydd Cymru, ac mae’r gystadleuaeth hon yn un o’r rhai mwyaf brwd yn y diwydiant.

Darllenwch fwy
30 Mehefin 2013
£2000 Royal Welsh Award for Clwyd stockman

Gwobr £2000 Sioe Frenhinol Cymru i stocmon o Glwyd
Mae Gwobr £2000 Dr Emrys Evans Cymdeithas Amaethyddol Frenhinol Cymru, a roddwyd eleni i rywun y nodwyd bod ei sgiliau fel stocmon yn eithriadol, wedi’i hennill gan Martin Sivill o Glanrafon, Awen, Llanelwy, Clwyd.

Darllenwch fwy
30 Mehefin 2013
Prif wobr Sioe Frenhinol Cymru yn mynd i gigydd o Gonwy

Mae un o’r busnesau bwtsieraeth mwyaf adnabyddus yng Nghymru, Edwards o Gonwy, wedi ennill Tlws Coffa Syr Bryner Jones 2013, gwobr fwyaf clodfawr Cymdeithas Amaethyddol Frenhinol Cymru.

Er 1957 mae’r wobr wedi’i rhoi bob blwyddyn i rywun o wahanol gangen o’r diwydiant ffermio sydd wedi cyrraedd y lefel uchaf o lwyddiant yn y sector dewisedig ac eleni mae wedi mynd i’r cigydd sydd wedi sefydlu busnes llwyddiannus trwy werthu a hyrwyddo cynhyrchion da byw a gynhyrchir yn lleol.

Darllenwch fwy
30 Mehefin 2013
Sioe Frenhinol Cymru – 50 mlynedd mewn lluniau

Mae llyfr sy’n dathlu hanner canmlwyddiant ers i Sioe Frenhinol Cymru ymgartrefu’n barhaol yn Llanelwedd, Llanfair-ym-Muallt, ym 1963, wedi’i gynhyrchu gan Gymdeithas Amaethyddol Frenhinol Cymru.

Mae’r llyfr 158 tudalen yn olrhain mewn gair a llun ddatblygiad y sioe a thrawsnewidiad maes 176 erw’r sioe yn un o’r rhai gorau yn Ewrop, sy’n creu tua £40m y flwyddyn i economi Canolbarth Cymru.

Darllenwch fwy
20 Mehefin 2013
Bydd ceffylau Lusitano yn disgleirio yn Sioe Frenhinol Cymru

Bydd marchwriaeth glasurol a sgiliau a dull marchogaeth a arferir wrth ymladd teirw o gefn ceffyl ymhlith atyniadau cyffrous y prif gylch yn Sioe Frenhinol Cymru fis nesaf.

Bydd marchogion o Ysgol Crefft Farchogol Portiwgal ar gefn ceffylau Lusitano, un o fridiau ceffylau mwyaf prydferth ac amlddoniog y byd, yn perfformio ddwywaith y dydd dros bedwar diwrnod y sioe yn Llanelwedd, Llanfair-ym-Muallt, o Orffennaf
22-25.

Oherwydd eu nodweddion prin mae ceffylau Lusitano yn boblogaidd i’w marchogaeth ar gyfer dressage ac maent yn ddelfrydol ar gyfer pob math o grefft farchogol.  Mae galw amdanynt hefyd ar gyfer neidio, cystadleuaeth y tair camp, gyrru a marchogaeth hamdden.

Darllenwch fwy

tudalen 12 o 13